日本名導福田雄一以另類手法炮製新片《新解釋．三國志》，之前公布咗大泉洋等參演，尋日再公布女主角人選。
橋本環奈飾演諸葛亮老婆黃月英，呢個人物喺歷史中係惡妻兼醜女，今次換咗「天使面」上陣，不過保留咗人物嘅惡妻性格，同室剛飾演嘅諸葛亮演美女配醜男夫妻。另一個女主角係山本美月，佢飾演周瑜（賀來賢人飾）個老婆小喬。