龔嘉欣慣被糟質摑到笑

龔嘉欣日到電台宣傳新劇《殺手》，提到其中一場嘉欣被黎耀祥用手撳胸的戲份，她笑言沒有所謂，自爆還有更大犧牲：「好似尋晚（前晚）場戲，我飲醉酒畀黎耀祥摑，事前冇夾到，估唔到佢都幾大力，我忍唔住笑咗出嚟，佢問我點解要笑，又要摑多次，結果摑咗三巴。（有被打癮？）呢啲濕碎，慣晒。拍嘅時候，基本上拳拳到肉，同真打冇分別，大部分動作場面都係親身上陣，加上我嘅戲服好性感，墊唔到嘢。」除了打鬥連場，嘉欣還要克服畏高：「有一幕我坐喺十九樓天台好型咁食麵兼兩腳揈揈，初時有諗過搵替身拍，但最後頂硬上。」