學琴有心唔怕遲陳繹嵐苦練指功
名模陳繹嵐（陳嘉容），疫情下零工作，但她停工不停學，由零開始學彈鋼琴，圓兒時夢想：「我細個已經對鋼琴聲特別敏感，但屋企冇經濟能力，學琴算係好奢侈，所以冇機會學，依家學咗兩堂已經識彈生日歌，好有滿足感。」這個年紀才起步，她直言記性及手部靈活度都不及小朋友：「我依家盡量用左手做嘢，令左手靈活啲。」
感情方面，她仍期待白馬王子及有緣人出現，但還是隨緣：「個天安排咗係咁就係咁，好難去爭取，因為人算不如天算，隨遇而安。（離過婚，會唔會驚咗結婚？）唔抗拒又唔急，因為有經驗，結又得唔結又得。（做媽咪？）我鍾意小朋友，但依家太高齡，冇都唔係一件唔好嘅事，依家好多人都唔生，我唔係好介意。」