陳山聰𥄫「雨神」生眼瘡

藝人陳山聰、劉穎鏇（Tiffany）與前港姐葉蒨文，昨日在中環為《超》劇開工，劇情講到山聰與Tiffany路見不平，眼見演車模的葉蒨文被一班攝影發燒友影裙底，即時挺身而出，而葉蒨文原來正是山聰的前女友。

拍外景變落湯雞

在酷熱天氣下拍外景已經夠辛苦，更慘的是開工時突然落大雨，令拍攝更添難度！一眾演員靜待停雨，山聰笑說：「呢方面就要問我哋『落雨女神』Tiffany，個名監製改o架，我拍呢套外景好似冇乜落雨。」Tiffany笑說：「幾好呀！落完雨天色幾靚，試過有3次拍外景落雨啫，哈哈！」

唔夠瞓躁底

問到酷熱天氣下開工，是否分外辛苦？Tiffany說：「習慣晒，最佩服係山聰，佢依家成身濕，但塊面都係唔會流汗，我就成日要麻煩化妝同事幫我補妝、印汗。」山聰笑說：「我都懷疑塊面冇汗腺，不過谷晒落對眼度呢！近排兩隻眼都生眼瘡，可能有時瞓覺啲化妝品入咗眼，同埋又對住啲露腰又露腿嘅女神多。其實我幾乎拍每套劇都會生眼瘡，可能唔夠瞓，個人始終會躁啲。」