歌手陳凱彤（Lillian）日前上載童年時與曾志偉的合照，肥嘟嘟的她相當可愛，她笑說：「因為疫情多咗時間喺屋企，同屋企人搵番啲舊相簿嚟睇。佢哋傳呢張相畀我，話我好得意，將所有首飾擺晒喺身。」她坦言自細已貪靚，會躲在廁所用媽咪的化妝品，又會試穿媽咪的高踭鞋。
去年底推出歌曲後，Lillian已有好幾個月靜了下來，雖然在家忙着寫歌，但承認音樂工作全部叫停，她笑說：「呢個時候真係好窮、好窮！」此外，唱慣流行曲的她日前與唱古典音樂的朋友開Live，感覺新穎。