袁偉豪放雀做裸模畀人笑

至於前晚一集中，兩個大男人重拾童年回憶，在野外「放膠袋」，二人又借來一個八爪魚風箏，大玩「HeHe風箏」，周柏豪從後擁着袁偉豪，袁偉豪則扮嗲說：「呢度好多人呀！唔好咁啦！」周柏豪說：「唔好理人哋啦！」兩位「肌」男惡心得來相當搞笑！

尷尬到趴地

袁偉豪又大爆舊愛當年慫恿他做人體素描模特兒，他一去到即剝衫剝褲，之後更豁出去連底褲都剝埋，赤條條相當尷尬！最前排的外籍女畫家由上至下「掃射式」望他，之後擰轉面笑，袁偉豪說：「我當時諗，你咩意思呢？」之後他覺得不自然，索性整個人趴在地上，笑言當年選香港先生時着泳褲在人前行來行去，其實只屬小兒科！