楊偲泳體諒張振朗 咀女係分內事！
藝人楊偲泳（Renci）入行5年，大家認知的她是無綫小生張振朗的女朋友，二人拍拖年多，一直低調，望外界專注他們的事業。不過，Renci大讚男友是暖男一名，更將分享演戲心得視為情趣。
現年26歲的楊偲泳一直是ViuTV小花，入行5年間拍了不少電視劇，近年轉戰影壇，與談善言拍了一套有關同性戀題材的電影。
最近熱播的ViuTV劇集《歎息橋》中，Renci飾演年輕版衛詩雅，此劇拍攝手法新鮮，但被評選角欠說服力。Renci坦言一開始與監製、導演接觸時，亦覺得演員外形不配，但其實要的是那份感覺及價值觀，並非選一對孖生姊妹，她說：「老土啲講，要睇埋落去，中間成長階段會經歷好多嘢，人物性格會有轉變。」
Renci憶述在比利時取景時，當地天氣變幻無常，很凍，又會突然落雹，幸隨團有位貼心監製林保怡：「保怡真係一個暖男，有日我哋喺古堡拍攝，佢一早就為我哋準備杯麵，嗰刻佢好似有個光環喺頭上嘅天使咁！」
激讚溫柔暖男
問到男友張振朗是否暖男一名？她說：「絕對係，會做啲嘢令我好心暖，係一個好溫柔嘅人！好多時大家要工作，相處時間唔多，佢會好珍惜大家僅餘嘅相處時間，亦好細心！」問二人會否交流演戲心得，她說：「唔會批評，會問大家意見，講吓自己演時會點樣做，大家多咗一種樂趣，都幾得意。（振朗拍咀戲會否介意？）咁冇辦法，大家都做呢行，換轉係我，都係為工作囉！大家都係成年人，對自己工作有份尊重，我係演員，就要做番我嘅分內事，佢都係一個好專業嘅演員。」