唔少美國四仔都係以群戰戲作為賣點，但大部分脫星卻認為呢類床戲最難演，不過對Kali Roses嚟講反而覺得最爽、最興奮，事關佢天生控制欲強，即使四男四女大混戰都難佢唔到呀！
群戰戲之所以令唔少脫星怕怕，原因係佢哋不但要喺鏡頭前畀反應，又要兼顧動作及識得走位，唔可以遮到其他脫星嘅演出，絕對係講求經驗同技巧。不過對於喺美國加州出生嘅Kali Roses嚟講，呢啲絕對唔係問題，皆因佢天生控制欲強，每當演出群戰戲時都會擔當發施號令嘅角色，指揮班脫星同對手點樣走位，因而獲得唔少導演同片廠激讚。
Kali Roses喺2016年出道，發展相當順利，獲得唔少演出機會，更喺2018年及2019年AVN頒獎禮獲得「最佳性愛演出」及「最佳吹奏演出」兩項提名，前途無可限量。喺大家眼中Kali Roses係一個幸運兒，但其實佢童年曾經歷過一段辛酸史，出生於一個破碎家庭嘅佢，媽媽有長期病患，而爸爸就酗酒，家姐經常離家出走。為咗忘卻煩憂，佢努力學習跳舞，仲獲得紐約著名藝術學校朱利亞德學院嘅獎學金。正當佢以為好運到臨自己身上時，卻因為髖關節出現問題，先後做咗4次手術，結果令舞蹈夢碎，及後經朋友介紹下，佢就開始做網絡成人直播。
憑住迷人樣貌及火辣身材，令Kali Roses嘅直播頻道人氣不斷飆升，更吸引到四仔星探嘅注意，問佢有冇興趣拍四仔，而佢二話不說就答應。至於佢點解會咁快應承呢？佢坦言當初做成人網絡直播嘅原因係為咗搵快錢，既然喺直播中表演自娛，基本上跟演出四仔冇分別，最重要就係自從佢做咗直播之後，生活相當枯燥，正好趁呢個機會滿足需要，同時又可以搵錢，絕對係一舉兩得，何樂而不為？
佢又表示因為童年坎坷嘅經歷，令佢覺得金錢相當重要，而要搵錢就要有計劃同目標。計劃就知啦，係演四仔同做直播搵真銀，但目標係咩呢？雖然Kali Roses喺四仔界人氣高企，仲要係青春無敵大把世界，但其實佢一直冇忘記跳舞嘅夢想，當然因為健康問題，縱使佢想跳番舞都難，但係就可以教人跳舞，所以佢嘅夢想就係開設舞蹈班，讓熱愛跳舞嘅學生可以追夢。就咁睇，Kali Roses嘅目標都幾偉大喎！
由於Kali Roses有舞蹈底子，故此無論擺任何甫士動作都相當優美，而佢亦經常喺Twitter上載自拍片，每次分享都會獲得過萬Like！想知有幾吸睛，就要Click上去睇喇！
網址：https://twitter.com/kaliroses
出生日期：1996年1月26日
身 高：167cm
三 圍：32C-25-30
撰文：魂