黎瑞恩首演舞台劇驚「發瘟」

黎瑞恩（小恩子）昨日到電台受訪，透露將首次演出舞台劇，笑言已推過兩次，但對方說角色適合，故不妨一試。她笑言唱歌跳舞問題不大，最大鑊是記台詞：「好驚做做吓個腦會一片空白，試過唱唱吓歌唔記得歌詞，發台瘟，成個人呆咗喺度。」她表示5月初圍讀過一次，9月公演十多場，對手都是舞台劇演員，笑言不想拖慢別人，已急搵老師排舞。問會否擔心受疫情影響，她說：「今日唔知聽日事，做好自己啲嘢先，最緊要開心。」又透露正籌備出湯水書，想記錄媽媽的真傳，將收錄四、五十款湯水及涼茶。