歌手何雁詩昨日到電台宣傳獨立後的首支歌曲《致有夢想的人》，坦言自資六位數，記者打趣對她而言沒難度，她笑說：「梗係唔係，我戶口左邊第一個數字愈嚟愈低，本來想一年出三首歌，依家要睇吓呢首歌回唔回到少少本先，做三首歌都驚戶口燶燶哋。」講到既要出歌，又要籌備婚禮，她坦言有節省用錢，暫時只預約了婚禮場地，並透露11月將在香港補擺婚宴，之前會在美加舉行婚禮。
