劉心悠再度出戰北極馬拉松
藝人劉心悠與歌手梁釗峰，今年會繼續代表香港參賽「富衛北極馬拉松」，兩人早前拍攝宣傳短片，並以仿雪和特技化妝營造出在極地嚴寒風雪中的感覺，心悠笑指一臉仿雪的化妝立即把她帶回去年的冰天雪地中：「上年喺零下三十度嘅朗伊爾城逗留一星期，每日都盡量多食嘢保暖同保持體力，化咗呢個仿雪妝之後，彷彿將我帶回現場，亦提醒我今年要做更好嘅準備以應付咁嘅極端寒冷天氣。」
首次接受特技化妝的梁釗峰在拍攝當日非常興奮：「完成呢個冰雪造型嘅特技化妝，彷彿感到置身北極當中，所以拍攝跑步鏡頭時特別投入，結果好快開始冒汗，嚇到化妝師立即叫我冷靜啲，不然妝容就要從頭再化。」他還表示去年決定參加北極馬拉松，是希望以行動鼓勵大眾勇敢追求目標：「對我嚟講，人最大嘅敵人往往係自己，只要下定決心堅持下去，戰勝自己心魔，冇完成不了嘅目標。」
