老公出軌點算？ 董敏莉：推冧晒佢嘅人生！
藝人董敏莉辦月老公司多年，對於兩性問題，她儼如專家，認為香港女性缺乏伴侶，只因港男較少，建議向外發展姻緣路。問到若老公出軌會如何處理？她笑言會買名牌推冧男人的經濟。
董敏莉（Monie）有個好老公和得意囡囡，生活美滿又幸福，早前她應東網巨星節目「海馬牌床褥特約」《閨蜜睡房》邀請擔任嘉賓，一連三集與主持人俞詠文（Angela）分享對婚姻及兩性的看法。提起另一半，她初時笑指老公似尊尼特普（Johnny Depp）：「佢就想啦！我鍾意佢健談同埋健康，我唔鍾意啲唔知養生之道嘅人，即係明明咳到死，仲飲凍嘢，唔愛惜身體嘅人我唔鍾意。」
問到若老公出軌她會點？Monie笑說：「買名牌，用佢所有錢買囉！（你會唔會出軌報復？）唔會！唔會做啲唔啱嘅嘢，唔會報復，因為報復冇用，男人好簡單，經濟、愛情、家庭，如果你選擇唔要一樣嘢，其他嘢就會全部冧晒，我係唔係好奸呀？推冧晒佢嘅人生囉！」
獲同性表白
三年前，她與好友開設愛情教育中心，為不少人做速配，她認為香港女仔找不到對象是有原因：「因為香港男仔少囉！好嗰啲畀人Mark晒，香港女多男少，全世界其實男多嘅，我覺得要降低要求之外，同埋唔好太過限死於一個區域，可以拋開地域界線。」並講笑說：「搞到香港啲男仔好鬼值錢，都唔知有冇搞錯！」
外表玉女型的她，原來讀書時是男仔頭一名，頭髮好短又曬到皮膚黑黝黝，而且不少同性向她表白。想知道Monie更多心底話，就記得本星期五、六、日收睇《閨蜜睡房》！