陳睿雯泳衣Show 梁茵肚凸凸浸溫泉

陳睿雯帶了四件泳衣出發，結果一件都唔嘥。

曾殺入港姐十強之列的陳睿雯，成為無綫演員後，演出過《溏心風暴》和拍攝《3日2夜》，小睿坦言有過不少着泳衣演出之經驗，所以最近在旅遊節目《識玩旅行團2》中要拍浸溫泉鏡頭，一點也難不到她，小睿稱：「其實我選港姐時都着過，之後拍劇又有着，所以都慣咗，只係冇諗今次行程會有咁多泳衣場面。（有Keep開唔擔心？）雖然成日着，但今次睇番片都覺得自己肥咗！（做咗咩準備？）其實係臨起行前三日先話我知，我就摷晒啲泳衣出嚟，帶咗四套去，全部用晒！」

增進歷史知識

除了小睿狂騷泳衣外，在《愛·回家之開心速遞》中演靚女文員Anita的梁茵（Kiko）亦唔執輸，她亦與小睿齊齊浸溫泉，因此行好食好住，Kiko埋怨食得太飽而凸出小肚腩：「我哋去咗好多地方，有西樵山、雲浮，有得玩射擊、高卡車，又食四大名鵝，食到最飽嗰日竟然話拍浸溫泉！」

着慣着熟，水着對陳睿雯來說係Easy Job。	梁茵既浸溫泉又四處觀光，過得十分充實。	梁茵與陳睿雯在十日旅程中吃喝玩樂，歎番夠本。

Kiko覺得十日行程相當充實，見識不少名勝和古色古香的美景，介紹文物歷史，從中亦增進了不少知識。