胡定欣睇阿婆Bra 尷尬速閃
日前「太子妃」胡定欣出巡到中環Shopping，同行有「侍婢」貼身侍候幫忙提貨！見她主攻嬰兒用品及服飾，期間不忘睇「阿婆Bra」，但當發現記者時，即顯得一臉尷尬。
無綫熱播劇《宮心計2深宮計》在內地播放量已破10億點擊，在港首周跨平台總收視有27.8點，飾演「太子」的馬浚偉及「太子妃」胡定欣亦找數公開「裸照」。二人除了忙為《宮》劇宣傳外，亦要為本月底舉行的舞台劇《偶然．徐志摩》綵排。定欣日前出席活動後，在女助手陪同下前往中環，二人邊行邊傾，定欣笑到四萬咁口，儼如賣牙膏廣告，之後雙雙進入一幢商廈，逗留約1小時離開。
落雨擔遮冇架子
其後定欣偷閒往附近嬰兒用品店購物，她頻頻向店員詢問，又與助手一起研究BB毛巾質料，見到可愛的小童底褲，亦忍不住拎上手睇睇！之後二人往揀選女性用品，定欣似乎對現場掛着的阿婆款式胸圍感興趣，駐足眼定定望到實，但發現記者拍照，即露出尷尬笑容，隨即逃離阿婆Bra範圍，急急腳往付款。
由於離開時突然落雨，見貼身「侍婢」負責拿着戰利品，「太子妃」定欣遂親自撐傘，毫無架子。之後轉到附近花店買花，不少途人認出兼眼望望，定欣亦禮貌地微笑示好。
