Stephy養精蓄銳陪17嫩男搓波
36歲藝人鄧麗欣（Stephy）與小鮮肉有緣，除了跟年輕6歲的台灣前棒棒堂成員邱勝翊（王子）熱戀外，更背着男友跟17位嫩男打「友誼波」，為與「小弟弟」拉近距離，開波前她惡補潮語，又自嘲記性差。
Stephy昨日與陳宇琛等到元朗一所荒廢學校為ViuTV新劇《男排女將》取景，並進行開鏡儀式，同場還有不少年輕演員包括顧定軒及余香凝胞妹余潔滢等。雖然Stephy於當中已是「前輩級」，但化淡妝、穿衞衣的她仍然省鏡。
劇中飾演排球教練的她，與陳宇琛發展一段微妙感情，但令她最感興奮的，是與二十多歲的年輕演員落場打波：「好正！會同一班『小鮮肉』切磋球技，同佢哋膚色相比，我係最黑嗰個。」
惡補潮語怕代溝
她笑言與年輕一輩接近，開拍前要惡補潮流術語，不過最難之處是：「記佢哋十幾個人啲名仲難過背劇本，真名、角色名同打咩位，驚嗌錯，都唔敢叫，戲中名除外。」面對多位後輩，頓感唏噓的她憶起十多年前的組合Cookies年代。
講到今次是相隔十多年再拍第二齣港劇，Stephy直認不慣：「上一套係《戀愛自由式》，今次拍攝時間都幾長，要拍成三個月，但我已經做好心理準備。」問她忙拍劇，可會冷落男友？她突然怕醜表示劇組很好，聖誕節有假放，但暫時未諗到送甚麼禮物給男友，更事先揚張或會兩手空空：「真係冇時間，夜晚8點就瞓，因為4點要開工。」同場的顧定軒表示數年前曾跟Stephy合作電影，今次二人有大量對手戲，可謂過足戲癮；而余潔滢於劇中飾演Stephy的助教。