甄詠珊短裙仔扮Cute
藝人甄詠珊日前為廣告歌《Queen Of Your Life》拍MV，穿上短裙仔，造型嬌俏，她說：「要我扮Cute有少少難度，不過我將我嘅低智商攞出嚟就可以喇！其實低能同Cute只係一線之差，希望Fans覺得我係Cute，而唔係低能啦！」問有否做足安全措施，她說：「其實條裙唔係肉眼睇咁短，同埋有底裙連埋，只要甫士擺好啲就好安全。」
對於可以再唱歌，她覺得萬分榮幸：「一個MV拍足3日，我都未試過，所以拍得好開心。」又透露與無綫換了新合約，將加盟新劇《伙記辦大事》，飾演識講廣東話的日本人，問是否難度高？她說：「OK啦！都係死背啫！不過我都諗緊點樣演得好啲，同埋為咗角色，我剪咗個齊蔭新髮型。」
