唔做主播得閒養生 金盈畀甜頭留住男友心
前無綫新聞主播金盈（Liz）入行8年，一直從事新聞工作，8月離開無綫後，轉型做「斜槓族」（自由工作者），任職跨媒體工作。大家認識她，可能只限於幕前的甜美笑容，原來她私下是炮製甜品高手，經常搵男友做「白老鼠」試食！
從事新聞工作8年的金盈表示，曾遇過很多有趣事：「有一次報道天氣，因為係直播，夾喺我件衫個咪跣咗落嚟，當時唔可以執，又唔敢大動作郁，後來等到畫面轉去世界天氣，唔使見樣，我即刻執番，仲要將聲線放大啲，平衡番個聲音，呢種執生技巧，真係好難忘，所以好想將呢啲應變工夫同大家分享。」
自製有營飯盒
轉變了工作範疇，生活無疑變得悠閒，Liz開始注重養生：「以前返電視台，要輪更，返夜要半夜收工，試過連續一個月冇真正假期，相對健康冇咁好。依家作息正常，會慢慢注重養生。閒時我會整吓嘢食，仲會上堂學整麵包、甜品、住家菜，雞同魚都鍾意煮，以前帶返公司嘅飯盒都係我自己整。」
「懶人包」豆腐花
愛下廚的她笑言至愛是甜品，今次教大家炮製「懶人包」豆腐花，她說：「都市人咁忙，買材料整都唔易，但豆腐花材料好方便，去藥房買食用石膏粉，加生粉、豆漿就得，好簡單，仲可以用燜燒杯整，冇乜難度，個個都做到。」
她自爆男友Jeff是其「私家試食員」，問到是否想留住男友個胃？她笑說：「哈哈！可能係，但我哋一齊未必主要係呢個因素！（佢讚不絕口？）其實佢對食冇乜要求。」
場地：Truffle House（松露屋）
首飾：Les Nereides （Macau）