陳瀅暴肥至130磅被嘲「成個波咁」
藝人陳瀅處女下海為動畫配音，前晚她出席慈善首映時明顯消瘦，外貌及身形都跟電影中的公主相似，她即開懷大笑：「（拍劇）好辛苦o架！我同呢個公主私下都係肥妹就真。（最高峰幾多磅？）拍《M Club》嗰陣有130磅！咁七個女仔入面都總要有一個人墊底嘅，惟有犧牲自己！」又指當年拍外景日日都食叉雞飯，豈料拍第一個鏡頭便被監製「嫌棄」：「佢話『搞唔掂喎！成個波咁！』，嗰陣都淨係諗咁嚴重咩？」
聞「思鈞戀」𢱑晒頭
問到會否邀請好友賴慰玲囝囝睇新戲？身為契媽的她指好友蔡思貝提議包場，問到秘撻胡鴻鈞的思貝可有主動留多一張戲票時，陳瀅即一臉錯愕兼呆滯數秒，開始搓手指又𢱑頭：「乜嘢呀？（佢哋10日見3次。）係咩？（咁你知唔知？）我呢兩日通宵冇瞓過，都冇睇新聞。」可有聽過「思鈞戀」？她說：「唔知你哋講乜，以我所知係冇呢件事，係Friend嚟嘅，之後會了解吓。」自認單身的她又在昨日宣傳活動上自爆「老公」Howie有了解中的人︰「同佢真係好朋友嚟！（冇得再嗌人老公？）又唔怕喎！咁佢識我先嘛，到佢真係拍拖先。」
至於聲演巫婆的陳淑蘭指與有份配音的黃百鳴自27年前的《家有囍事》後久未合作，望與他再續前緣，問到可否重現「金絲雀」？她即說︰「我肯呀！好多後生見到我都叫我碌一次，碌咩先？碌落樓梯？碌床？我啲骨頭唔得啦！」笑言體力已大不如前，30幾歲就有風濕！