菊梓喬緊張塊面懶理吳若希

菊梓喬眼睛爆微絲血管，臉部又生粒粒，令她擔心不已。

慈善節目《善心滿東華2019》昨晚在電視城舉行，多位藝人出心出力表演籌款。吳若希近日受訪表明不想與菊梓喬同台工作，又支持譚嘉儀攞獎，誓阻Hana冧莊女歌手獎，不和傳言再度炒熱！昨晚合照時二人中間夾住連詩雅，但吳、菊二人全程零交流。對於Jinny的言論，Hana受訪時先提及自己臉部皮膚敏感、眼睛爆微絲血管扯開話題：「早上眼都擘唔大，第一次咁恐怖，好在冇影響唱歌，但覺得自己好樣衰。（畀Jinny激親？）冇咩所謂，我就唔會唔想同佢做嘢。（有冇同佢傾偈？）頭先冇咩異樣，我有同佢打招呼。（點解佢咁唔妥你？）我唔知，我擔心自己塊臉多啲。（同佢解釋番？）點講呀？佢平時都冇咩嘢，唔知點解咁講。（佢話你唔玩得？）唔係，我都係癲癲哋，但未有機會同佢玩啫！（佢撐譚嘉儀攞獎喎！）嘉儀係幾得人喜歡，都希望佢哋開心。」再問是否覺得被孤立，她停了幾秒，再回答不覺得。

林穎彤拉丁舞夠Hot

最近放假的唐詩詠透露將上有關冥想的課堂，之前亦到了多個地方旅行：「陪咗爸爸返福州，好多年都冇返過鄉下，近排多咗時間同家人相處。」講到日前她上載泳衣照但沒有正面，笑言其實有影正面，但沒有勇氣甫相，因為跟其他人身材爭好遠：「無謂拎出嚟，等大家有啲幻想空間。」

吳若希（右）與菊梓喬（左）雙方果然都「目中無人」。	林穎彤大露背跳拉丁舞，有睇頭！	黎諾懿、唐詩詠及姚子羚表演西洋劍。

林穎彤（Bella）與緋聞男友伍富僑表演辣身拉丁舞，本身是拉丁舞導師的伍富僑大讚Bella有水準，Bella則表示學過，重新Pick Up都好緊張：「我哋有血有汗，都拉傷咗。（有冇幫男方捽吓？）冇！我送鎮痛膠布畀佢。」對於有貼身動作，伍富僑表示不尷尬，Bella承認感情有增長。