黃建東孖煙囪玩腿張開

無綫藝人黃建東與楊詩敏（蝦頭）最近惡搞熱播劇《多功能老婆》的劇情，首度飾演一對搞笑夫妻，東東笑說：「今次我要着住條超短孖煙囪擘髀拍攝，實在係犧牲色相，希望觀眾唔會睇到太反胃。」又指率先推出的是衰婆篇，過幾日會再出另一條衰公篇：「到時會扮周柏豪，拍攝嗰陣導演話過我某啲角度好似柏豪，氹得我心花怒放！」另一邊廂，蝦頭覺得跟東東做貼地夫妻是最好拍檔：「我哋大家都好信任對方，彼此又肯即興度橋創作，所以每次合作都可以刺激對方演出，好有火花。」