藝人李靖筠（Gladys）昨日出席活動，講到死後捐贈器官，她表示一直都有此想法，今次可以付諸實行簽捐贈卡：「我覺得呢個年代死後唔一定要留全屍咁傳統。（屋企人會唔會唔鍾意？）佢哋都冇嘢喎！我係好似浪咁，我鍾意灑落海或者樹底，回歸大自然。」
作為今年樂壇新人，但多個音樂頒獎禮因社會狀況而決定取消，問到可有失望？Gladys說：「有少少覺得可惜嘅，自己年年都有睇頒獎禮，今年仲作為新人係好期待，但亦都尊重大會決定。（準備咗戰衣？）係有人幫我搵咗，唔嘥嘅，總有機會着。」