藝人森美剛踏入46歲，一班節目《森美旅行團》第三輯的拍檔吳若希、丁子朗和麥美恩聯同台前幕後工作人員為他慶祝。三位拍檔即場向森美獻上深情肉嘴，但見他臉容扭曲，似乎驚多於喜，不太受落，認真搞笑。
不過，森美都相當識做，在社交網「補鑊」指當時的驚青樣純屬「交戲」，其實非常接受大家的心意，他留言：「我個樣係扮出嚟嘅，其實係好享受，係囉係囉，係咁講囉！」而吳若希亦上載「咀相」，向森美送上祝福。