楊明老火湯就嚟煲乾
魔術師甄澤權榮獲「第47屆香港十大傑出青年」，頒獎禮雖於下月舉行，但他前晚已率先筵開六席慶祝，藝人何雁詩、楊明、莊思明、林盛斌及陳庭欣等到賀，場面熱鬧。甄澤權直言得獎是意料之外，談到人生路上得失，他指是最初決定做魔術師的首兩年：「試過月入得一、二千蚊，匿埋屋企唔出街。」
楊明及莊思明拍拖到賀，問到早前被拍到於觀塘幫手清路障，他說：「我嗰日喺度塞咗45分鐘，所以落車幫吓手，做得幾多得幾多。」談到其老火湯生意，他坦言蝕本：「好彩之前賺嘅冇分錢，依家用嚟頂住先。」至於中門大開的何雁詩笑言網購衣服時不覺得如此低胸，談到日前男友鄭俊弘生日，其生日願望是否拉埋天窗？她說：「向呢個方向啦！都希望大家開開心心、出入平安。」無綫將於1月初舉行樂壇頒獎禮，問到會否擔心如台慶般低調處理，她坦言最緊要觀眾睇得開心：「睇嘅人都冇乜心情，低調啲都冇所謂。」
