謝安琪街頭演唱受盡白眼
謝安琪（Kay）為拍攝ViuTV節目《一個人會上癮》的「真人騷」，早前遠赴米蘭記錄「一個人」的旅行，分享當年Busking時的尷尬經歷：「呢件事都唔止發生一次，有時啲家長帶住小朋友、睇緊我彈琴唱歌嗰陣，都會同個小朋友講：『你畀心機讀書啊，唔係第時大個咗就要咁樣做街頭表演o架啦！』可能Busking畀人嘅感覺都係可憐、不被欣賞，所以我到依家見到Busking嘅朋友，都會好想支持吓。」
談到最百感交集的歌，Kay直言是其經典作品《囍帖街》，因為歌曲為她帶來人生最多的獎項，但隨之而來是不少負評，讓她感到壓力很大：「呢個理應係歌手最光輝嘅時刻，但偏偏我嗰時嘅狀態最差，可以話係我人生最黑暗嘅時期。」講到三年前暫別樂壇，Kay坦言當時自覺身心健康有問題：「突然間有一大段中間嘅音域唱唔到！我連喺小朋友嘅生日會上、所有人高高興興咁唱生日歌嗰時，我都選擇咪嘴冇出聲，因為唔想聽到自己把聲，嗰刻我就知道我真係病。」