張家輝畀女催眠做奴隸
張家輝前晚穿着10年前的舊衣出席首映，藉此支持環保，並自誇身形沒變。他笑言當年靠「催眠」娶老婆，現時卻反被寶貝女「催眠」做奴隸！而同片的張兆輝夠專業，拍高難度動作戲一Take過。
影帝張家輝、張兆輝及蘇麗珊等前晚出席電影《催眠．裁決》首映禮，家輝笑言為環保而穿上10年前的舊服飾現身，呼籲其他藝人效法，又自誇身形與當年沒分別：「呢套衫當年着去電台頒獎禮做嘉賓，啲衫其實係可以配吓再着，有時買咗返嚟覺得唔好睇就唔着，又或者畀人，好浪費，所以我鍾意嘅衫會Keep，但唔似得古天樂唔掉衫，咁要有好多地方儲存。」
珍藏踢死兔
談到家中珍藏服飾，家輝要數當年出席康城影展穿的踢死兔，笑說：「因為條領有啲古怪，同埋喺無綫年代，我都有幫本地牌子行過天橋o架！（有冇興趣演設計師角色？）當然有，凡係未演過嘅角色都有興趣。」
張兆輝片中演老差骨，雖然沒有連場打戲，但坦言被當中兩場動作戲考起：「有場喺水池入面拍，講我昏迷產生幻覺。另一場就係停車場爆炸戲，因為要配合360度嘅路軌，同埋爆炸位又喺我身後面，淨係排都排咗成朝，結果拍時一Take收貨！」提到與新導演合作，他坦言為表支持，有略減片酬。
蘇麗珊入戲亂咁嚟
至於蘇麗珊為了準備片中被催眠戲份，特意找演戲老師預習，但不及與家輝演出時入戲，家輝聞言笑說：「唔好啦，你自己一個人？啲後生女會亂咁嚟！」令她哭笑不得。家輝笑指平日大多數被女兒催眠：「多數都係叫我做奴隸，揼吓骨咁，其他冇乜特別要求。（你催眠番太太？ ）我唔催眠，佢又點會嫁我呢？」