歌手李靖筠推出首支情歌《第千次重逢》，甚少唱情歌的她透露想邀請同門師兄陳家樂擔任MV男主角，坦言兩人有默契：「因為之前同佢拍咗套戲，我有問過佢肯唔肯幫我拍MV，覺得佢幾適合，但佢話驚大家睇到厭，所以要睇佢肯唔肯。」今年有份角逐新人獎的她被問到信心，她說：「冇乜特別心情，因為冇期望就冇失望，今年嘅新人我都好欣賞，邊個攞獎我都咁開心，同埋我寧願大家鍾意我嘅歌多過獎嘅肯定。」
