蘇麗珊瘦唔翻做微胖女孩
藝人林德信與蘇麗珊昨日於鑽石山出席《台灣情「農」豐收美食節@荷里活廣場》開幕禮，林德信表示最難忘小時候葉蒨文帶他逛台灣夜市：「我好食得o架！依家都有個肚腩，但有時做嘢要除衫，要戒口食得好清，好辛苦！令到個人好唔開心，所以一做完嘢就會狂食。」又透露現時標準155磅，但難以想像7歲時愛食雪糕的他，體重高達180磅，他笑說：「細個都畀人叫肥仔，以前可以食兩個巨無霸，11、12歲開始瘦番少少，開始做瑜伽一個星期就瘦番晒。」在旁的蘇麗珊聞言笑說：「我好有興趣喎！」
現場所見，蘇麗珊面形明顯圓碌碌，她透露早前到台灣出席友人婚禮，近日又到日本拍攝食品廣告，相信增磅不少，她笑說：「好大鑊！一個月前已經開始減，因為見自己啲相圓碌碌好唔開心，減咗少少，但點知去完日本又肥番！」
唔覺上鏡圓碌碌
被問到最重有多少磅？蘇麗珊說：「105磅！其實我自己唔覺嘅，係身邊人話我上鏡圓碌碌，上鏡肥10磅吖嘛！依家興微胖女孩，所以我好開心。」笑稱雖然覺得不用減磅，但為了健康，每星期仍會做兩、三日運動Keep Fit。
