敖嘉年爆樽扑到泳豪出血

敖嘉年（左）演泳豪的「大佬」，為保護「條o靚」而扑濕他。

敖嘉年正為劇集《伙記辦大事》開工，全劇有不少動作戲，前晚他與李泳豪、陳瀅、黃栢文及陳志健等在大牌檔拍外景，拍攝一場用糖膠玻璃樽扑李泳豪的戲時，不慎扑傷對方，令泳豪額頭腫起，又刮傷鼻骨位。

嘉年受訪時憶述事發經過，他說：「場戲講栢文哥嚟尋仇，話我條o靚李泳豪賣假煙，要我交人，我惟有攞個樽一嘢扑落泳豪度，好過佢畀人打啦！扑完之後，我個心都好唔安樂，因為戲入面我係一個好錫啲o靚嘅黑社會大佬。」

捱打好過打人

嘉年戲內戲外都唔安落，因為他那一扑真的令泳豪「見血」，他說：「佢流血，真係爆缸，止咗血之後佢都頂住，搽啲遮瑕膏遮住就繼續拍攝，我都勁唔好意思！其實每次拍打人戲都好驚，因為好難就，畀人打反而好哋哋，好在冇傷及泳豪隻眼，如果唔係就仲唔安樂！」幸而這個鏡頭導演很滿意，一Take過不用補拍，真係睇番段片都戥泳豪痛呀！

泳豪止血後繼續開工，以免阻礙進度。

敖嘉年手起樽落，泳豪當堂掛彩。