亞姐胸湧互片 康沂起㬹搶鏡羅燕霏怒睥

康沂「批㬹」遮住羅燕霏半個身位，難怪後者表現不滿。

亞姐今晚假亞視大埔錄影廠舉行，評判有仁美清叙榮譽主席羅霖及影星王玉環等。14位佳麗昨日首次穿上泳衣會見傳媒，當中「波霸組」分別為張可盈、許嘉欣和蘇雙兒，齊齊拋胸見人。而外貌亮麗突出的「靚女組」有吳玥彤、張雯及羅思雅，張雯的屁股位有兩點黑印大殺風景。至於「健碩組」就有周紫清和潘立詠，前者腰肢多肉；後者則大髀肉鬆弛及微露小腹。大合照時，羅燕霏被康沂「批㬹」而表現不滿，不時「眼超超」對方，最後康沂在記者要求下將手㬹放低，佳麗才可貼近合照。此外，黃凱怡疑曾整胸，左邊胸側現疤。

羅思雅自信入三甲

比賽前夕，大熱佳麗羅思雅抱病上陣，現年25歲身為英國碩士生、職業網購的她，樣貌有點似韓國「國民初戀女友」秀智，她指髮型師覺得她似日模水原希子，令她自信十足，坦言目標是躋身三甲，但承認有假想敵：「我冇熱門張可盈對腳咁長，又唔夠吳玥彤咁瘦。我今日有啲喉嚨痛，睇咗醫生，希望唔好影響比賽，其實同13位佳麗相處咁耐，覺得個個都好有個性。」提到五強才藝表演，她選唱《隱形的翅膀》一曲，想表達出一飛沖天之意！

14位亞姐佳麗齊齊以泳裝見人。	羅思雅被視為大熱，信心十足。	張雯（中）、許嘉欣（左）及周紫清奪得「魅力值大獎」三甲。

張雯捧「魅力獎」

亞姐大會發起網上投票，選出「魅力值大獎」三甲，分別為冠軍張雯、亞軍許嘉欣及季軍周紫清，由仁美清叙主席程瑤頒獎，她與同場的2007年亞姐張珮汶更力撐師妹。三位得獎佳麗表示私下有發動親友齊齊投票，冠軍張雯說：「有幾多票數我唔清楚，因為忙住綵排。（信心增強？）有個獎墊底囉！（有咩強項？）如果入到五強，會有一分鐘才藝表演，我會唱首懷舊英文歌，又諗定一段說話，希望可以感動到評判！」季軍周紫清被指身形輸蝕，她自認上圍不夠豐滿，腰不夠幼，堅信只要平均，有自信最重要！