契家姐伍詠薇催生等升呢

陳山聰與Apple昨晨進行斟茶儀式時，兄弟郭政鴻亦在場，飲茶時開心得難忍淚水，與一對新人溫馨擁抱。契家姐伍詠薇（伍姑娘）昨日一大早出門扮靚，在髮型屋睇山聰的直播片段已感動流淚，晚上則與老公練海棠恩愛到賀。問到山聰可有向她斟茶？伍姑娘笑說：「我都想！我只係契家姐，今朝扮靚有睇直播，見佢斟茶畀屋企人都喊，我會逼佢斟杯茶畀我飲，但唔使喺好多人面前，閂埋房門就得。其實我哋呢對患難姊弟好唔容易，見佢成家立室好開心，希望佢快啲生BB。」
伍姑娘孖老公到賀，見證山聰成家立室。
伍姑娘孖老公到賀，見證山聰成家立室。

問到與新娘是否熟落？伍姑娘坦言當年與山聰嗌交後才認識Apple，大讚她如自己在電影《97家有囍事》的角色「賢淑」一樣，靚女又斯文大方，絕對是個好老婆：「再次見番山聰覺得佢成熟同淡定咗好多，感覺到係識Apple後先係咁，希望佢哋兩個喺最靚時間生B，等我可以升呢，做姑媽或者大姑奶都冇所謂！」

山聰與Apple跪地斟茶，郭政鴻強忍淚水。
  • 山聰與Apple跪地斟茶，郭政鴻強忍淚水。