歌手可嵐日前到澳門出席《第四屆VIP音樂榜頒獎禮》，憑歌曲《九號風球》獲頒「VIP熱播歌曲」及「VIP優秀偶像-銀獎」，同場還有何婉盈、蔣嘉瑩及谷婭溦等。她坦言今年在音樂創作方面時間比往年少：「喺網上推出咗3首歌，但因為開咗糖水舖，有好多工作都親力親為，好快新店又要開張，所以忙個不停，連歌曲宣傳都做唔到。等一切穩定之後，相信下年可以推出更多作品。」
