城城挑戰露宿搞到睇醫生
曾與章子怡合作電影《最愛》的郭富城，昨日與另一位影后楊千嬅亮相紅地氈，為孭飛的電影《麥路人》入圍「亞洲未來」單元造勢。兩人盛裝打扮，吸引不少外媒採訪，剛慶生的城城心情大靚，受訪時透露首次扮演露宿者，覺得十分有挑戰性，但亦因為太投入，一度以為自己有病，最後要睇醫生檢查身體。
兩位星級父母被問到會否掛念子女，與老公丁子高同行的千嬅聞言即笑說：「當然啦！因為之前都離港工作，成日唔喺香港！但今次都有去Shopping，趁機叉吓電。」城城亦說：「工作時就要專心工作，工作完就會好掛住家庭。」該片於今日舉行首映禮，門票已全部售罄。除了一眾港星，導演楊凡亦為其動畫新作《繼園臺七號》亮相電影節。