海膽長大喇 Bella Thorne：現年22歲嘅美國女星Bella Thorne出晒名豪放，日前就上載一條穿比堅尼跳舞嘅片段，隨住音樂擺出誘人甫士，竟然騷埋腋下「海膽」，認真大煞風景！據知佢已停止剃腋毛一年，話係受麥當娜同茱莉亞羅拔絲啟發留腋毛。
飛機場改露 桐谷美玲：出名係「小骨女」嘅29歲日本女星桐谷美玲，一向身形纖瘦。佢尋日化咗紅唇妝出席化妝品宣傳活動，可能自知飛機場身材，索性以大露背裝示人，性感得來又成功轉移視線，認真高招！
胸降萬聖P Demi Lovato：萬聖節未到，美國著名女歌手Demi Lovato已經急不及待扮嘢出席活動，見佢戴上假髮仲塗白全身，穿起束衣騷胸扮法國十八世紀最後女王瑪麗王后，大騷逼爆身材！第一回合已扮到咁盡，之後佢仲有乜嘢搞鬼造型見人呢？