Timing唔啱！衛詩苦戀等開花

歌手衛詩昨日到電台受訪，分享近日單戀慘況，已單身四、五年的她自爆有意中人：「初相識時佢鍾意我多過我鍾意佢，到7月我哋一齊去非洲探訪，發覺佢好有領導力、關心小朋友，好吸引我，鍾意佢多咗！不過到佢話未Ready，唔知點算！佢識我時啱啱同前女友分手，要時間療傷，要尊重佢。」又坦言現時每周返教會都避見對方，以免心痛：「我哋互相有感覺、性格又夾，好難只係做朋友！（苦等？）唔知，希望唔好咁耐。」她又指下首歌《了解中》已經錄完，希望可以應景，笑言需要改改歌詞，不想對方知道被留意。