甄詠珊旅行療情傷
藝人甄詠珊早前到泰國布吉旅行，她表示習慣拍完一套劇後出埠散心。問到是否與素菜廚師林雲中分手？她說：「我都冇講過拍拖。（你話佢忘恩負義！）過咗去唔想再提。」並指溝通好重要，希望找到心靈相通的知己。
身形弗爆的她笑言未滿意，多年來堅守110磅體重：「每朝起身我都會磅重，肥咗就減。好似今次旅行返嚟肥咗5磅，我用咗幾日減番。」又自嘲大食：「慶幸唔算易肥，不過好易水腫，所以要多做帶氧運動改善。」4日行程連機票住宿、飲食和購物，她只花了5,000元，笑言好抵。她坦言簽約無綫後，公司經常給予機會：「梗係想《愛．回家之開心速遞》可以一路拍，我仲傾緊兩個網劇同廣告。工作上一直唔差，但感情就比較崎嶇。」
