方力申愛女士打煲呔添情趣

兩代泳界男神兼藝人方力申與朱鑑然，昨日出席Bow Tie Walk紳士巡遊及Fine Gentlemen Evening，為2019東方表行沙田錦標「時尚煲呔賽馬日」揭開序幕。Alex認為男人穿西裝及打煲呔特別有型，很有紳士味道：「真係有眼前一亮嘅感覺，我平時唔會咁着，係怕『閃』到人，要掩蓋自己嘅光芒。」

清心寡「肉」

他自爆其煲呔由一位專業人士幫他打結：「係一位年紀大過我嘅女士，呢種有少少親密嘅舉動，令我有少少窩心感覺。（之前有冇女仔幫你打煲呔？）冇，打領呔都冇，因為幫人打係好難。（識會加分？）未必，不過我覺係情趣。」

朱鑑然（左）笑言破了方力申其中一個游泳紀錄。

眾人西裝骨骨行「煲呔騷」，型！

提到Alex正積極練水，準備為渡海泳籌款，他說：「要調理身體同作息時間，仲有要戒酒，食嘢都要戒。（清心寡慾？）我平時真係食好多肉，我要游12個鐘，啲人問我點解決大小便問題，咁小便好容易，大便就好難，所以我要食多啲菜，每日定時排泄，咁我喺個海就唔會亂嚟。」對於有份演出的無綫網劇《衝鋒隊2019》停拍，Alex坦言有短訊慰問之前被炒的監製李志倫，但未獲通知何時再開拍。

朱鑑然恨合作

至於朱鑑然自言視Alex為偶像：「同佢比賽過一次，佢快我好多，佢仲有兩項香港紀錄未有人破，不過我破咗佢其中一個紀錄。」又指今次為活動拍宣傳片，發覺Alex精靈活潑，希望將來有機會合作拍戲，最後自爆已有一名了解中的對象。