祖藍搣甩廿磅豬腩 求阿Sa做一日女友

阿Sa被祖藍視為女神，地位超然。

阿Sa、祖藍日前與湯怡、衛詩雅、梁嘉琪以及金牌攝影師杜可風等出席英皇電影《給我一天》開鏡禮，祖藍在戲中飾演一名患「漸凍人症」的城市速寫畫家，要在病情徹底惡化前收集一些快樂回憶，故向自小暗戀的小學同學、阿Sa飾演的神仙魚，提出一個遺願，就是當他一天女朋友。祖藍直言現實中視對方為女神，一向有留意其作品，今次能夠與女神「拍拖」感到非常滿足！

• 新片有梁嘉琪（左起）、湯怡、阿Sa及衛詩雅等演出，祖藍只揀阿Sa做一日女友。

出街偷食打回原形

祖藍還表示跟阿Sa多年後再次合作，在她身上學到很多，令他更明白如何「貼地」演出及拉近與觀眾的距離，收穫很大。為了演好角色，4月時，他找營養師幫手減肥，至今大概踢走廿磅肥肉，問到減肥有冇難度？他說：「梗係有，出街食飯啲餸比較油膩，所以我通常捱餓返到屋企先食飯。」又說試過跟老婆李亞男「偷食」，外出到餐廳開飯，結果三日肚腩就打回原形，嚇得他立即再「守戒」，只食住家飯。