Justin無罩對話染疫高危

艾倫的節目爆出職場欺凌、歧視與性騷擾醜聞後，她公開道歉，亦解僱幾個高層補鑊，可惜收視仍然大跌37%。屋漏偏逢連夜雨，艾倫前日於社交網撰文，宣布確診新冠肺炎，節目亦受影響，明年1月才能恢復拍攝。她寫道：「大家好，我想同大家講，我確診咗新冠肺炎，好彩我依家感覺尚好。同我有過近距離接觸嘅人已經收到通知，我亦遵從緊美國疾病管制與預防中心嘅指引。我會喺假期後同大家再見，請注意健康同安全。愛你哋。」

Leslie Odom Jr.仲大鑊

近期艾倫節目的大部分嘉賓如男星馬修麥康納希（Matthew McConaughey）與奧蘭度布林（Orlando Bloom）等，都是透過視像受訪，不過11月30日Justin Bieber曾到片場錄影，節目中2人相隔一張桌子的距離，坐在梳化上對話，未有戴上口罩。未知Justin會否中招，令Bieber嫂Hailey亦有染疫危機？艾倫確診前，最後一位面對面訪問的嘉賓是音樂劇《Hamilton》男星Leslie Odom Jr.，他是最高危人士！