麥景榕三代同堂「環遊世界」
藝人陳復生愛女麥景榕早前獲邀出席在北京舉行的70周年國宴活動，孝順女麥景榕肩負重任，帶同外婆與媽媽參觀當地有史以來規模最大的北京世界園藝博覽會，當中有來自不同國家的展覽，讓她們可以一日內「環遊世界」。麥景榕坦言此行大開眼界：「好似有個土耳其嘅建築物，好色彩繽紛，好有身處喺歐洲嘅感覺。展覽會仲有一片好靚嘅花海，啲花嘅香味離遠都聞到，好似我哋啱啱去完嘅北海道富良野咁。」
另外，三人在會場品嘗當地農民親自種植、沒有農藥的有機蔬菜宴，廚師悉心為她們炮製了多款農家小菜，令她們大飽口福。對於是次之旅，麥景榕坦言能夠三代同堂起行，感到相當開心：「以前係婆婆帶我哋去迪士尼玩，今次輪到我哋帶婆婆去玩，婆婆變咗小朋友。因為唔想佢太辛苦，所以特登畀佢坐輪椅，唔使行咁多路。」
