陳柏宇方皓玟對親家
叱咤「我最喜愛的男、女歌手」陳柏宇、方皓玟，昨日宣布首次聯手開騷，以「The Quote」為主題，用音樂分享哲理，並計劃合唱及互唱對方的歌，發放正能量。柏宇笑言當日會帶囡囡Abigail到場，跟方皓玟的混血B相睇︰「Mix係最正，佢哋差幾個月，可以約會吓。」
提到女兒月底一歲生日，柏宇預告搞派對慶祝：「Book咗個場，邀請啲大人朋友，帶埋佢哋嘅小朋友嚟玩。（送咩畀囡囡？）短期內應該唔會送嘢畀佢，佢嘅生活已經使好多錢，加上佢唔知咩係禮物，等佢知先再送。」問到可會送禮物給老婆，答謝她生B？他笑言：「關佢咩事？佢生日我都有送禮物畀佢。（佢上年咁辛苦生B！）個B我都有份，我係咪都有禮物？我張附屬卡喺佢度。」方皓玟即說：「我都要學吓嘢。」