雖然豪飲對身體唔好，但係得閒嗒番兩杯可以話係人生一樂也，如果有個飲酒嘅好對手把酒談心就更加完美喇！而美人兒高田秋可以話係日本藝能界少有嘅女酒豪，男士們分分鐘唔夠佢飲呀！
所謂人不可以貌相，單從一個人嘅面相實在好難了解到佢嘅底細，好似以前小弟曾經遇到一個女仔，有學識又斯文，點知後來發現佢原來做人小三，仲要係佢做主動，真係估佢唔到！而今日介紹嘅美人兒高田秋亦一樣令人意想不到！
27歲嘅高田秋比起好多同年紀嘅女仔生得青春嫩口，從其天真無邪嘅面孔以及純潔甜美嘅笑容，如果話佢剛剛踏入18歲都會有人信。除咗樣子吸引，阿妹擁有一副高挑而豐滿嘅身材，配上胸前一對堅挺又彈手嘅D奶更為悅目，再加埋全身白裏透紅嘅肌膚，呢副胴體簡直係完美。
出生於北海道嘅高田秋，喺就讀高中嘅時候開始做模特兒，後來因為要升讀大學而搬到東京居住，同時亦繼續做模特兒，除咗影靚相之外，仲成功進軍電視界發展，而令人最印象深刻嘅演出係同賭博有關，因為秋妹與競馬活動相當有緣，而且佢對競馬一直相當有研究，加上本身又好口才，所以成為唔少競馬資訊節目嘅主持人。
另外，高田秋甚討男觀眾歡喜嘅原因，係因為佢鍾意飲酒喇！早前佢為網絡電視節目《淺草女子飲46》當主持，當中有介紹酒類飲品嘅環節，期間秋妹展露出千杯不醉嘅酒豪風範，後來仲因利成便，取得清酒品評師資格添！到今年6月，高田秋嘅人氣更可以話平地一聲雷，因為佢終於脫去外衣拍攝水着寫真，大騷火辣身材，咁你話男觀眾點會唔Like吖！
簡介：近期高田秋嘅工作集中主持競馬資訊節目，另外亦樂於為雜誌介紹酒吧及酒類飲品，想知道秋妹點樣享受美酒，可以Click入佢嘅社交網睇吓喇！
網址：https://twitter.com/viviansuuuu?lang=ja
年齡：27歲
身高：5呎5吋
三圍：32D-23-34
撰文：賢