網友將陳偉琪與同期出道的曹思詩作比較，陳偉琪表示：「大家發展路向唔同，每個人都有唔同嘅外形同性格，係獨一無二嘅，唔需要去比。做藝人冇得選擇，我初初出嚟拍戲都係拍啲需要性感嘅角色，直至遇到《愛．回家》細龍太呢個角色，先可以令大家留意到我嘅演出。」
Vicky承認當年與Cc曾經不和，近年才成為朋友，兩人有共同喜好：「我同佢都好鍾意曬太陽，佢係一個好陽光嘅女仔，性格好好，身形亦Keep得好好。知道佢簽咗王晶，會拍網絡大電影，希望佢喺另一個範疇有更好發展。」