葉振棠男男合唱夠新鮮

歌手葉振棠及歐信希昨午到旺角出席新碟《功夫之城》簽名會，獲不少粉絲捧場。談到今次的合作，葉振棠說：「出嚟效果剛柔並重，男女合唱歌唔少，我哋男男合唱有新鮮感。」他透露明年3月將舉行入行50周年演唱會，暫定於伊館舉行兩場，至於製作形式，他希望將自己入行經歷串連成一個故事。談到50年來的難忘事，他說：「好多嘢都好難忘，尤其係我嘅事業經歷咗幾個高低起伏。（最想完成嘅心願係乜？）想唱紅館，申請咗6次都攞唔到期，佢哋又唔需要話畀我聽點解唔批。（再試？）搞埋伊館個騷先，伊館期依家都好難攞！」