姚懿芠受訪時坦言，不滿意自己身材，希望決賽夜再清減一點。問到目標減幾多磅？她說：「冇計，但會食少啲嘢，運動就冇乜點做，太攰。」並再次否認曾與街頭歌手Judas交往。曾揚言只喜歡異性的她，再次被指喜歡同性，她說：「唔係，講嗰個人應該好憎我，係咁『隊』我，但我依家係冇男友。（蔡嘉欣話見過你男友啲相？）係呀，係前男友嘅相。（擔心負面新聞影響賽果？）唔係事實嘅笑一笑就算，準備決賽緊要啲，我都有信心，會盡力而為。」
