旨呈@享樂團10億富媽媽撐腰
樂隊享樂團的主音鄺旨呈日前在MV中獨享攬36E「細龍太」陳偉琪的機會，惹來「癩蝦蟆想食天鵝肉」的葡萄言，但他其實是現實版「青蛙王子」，表面是他口中的「窮歌手」，實質是美容公司董事，更有位10億身家的富媽媽，跟富二代的陳偉琪門當戶對。
出道6年的享樂團，由當初三人組合變成有主音鄺旨呈、Addy、Kenneth及Samuel的四人樂隊，一直發展平平，但早前竟請得陳偉琪（Vicky）擔任《一巴掌男友》MV女主角，旨呈更是唯一與咪神跳貼身舞的成員，令宅男眼火爆大呻：「佢邊配得起Vicky！」但事實上，旨呈的財力或比父親從事大型貿易生意的Vicky更強，因其家底超豐厚，其母是美容公司創辦人兼主席曾裕，而現職公司董事的他，曾與母聯手購入舖位及商廈，物業多多，但不欲以「有錢仔」掛帥，故一直鮮有透露背景。
拒露「底」：啲人好現實
日前旨呈受訪，被問到富二代身份時，一度表現愕然，再三追問下才默認有位富媽媽，但強調自己是「窮歌手」：「我同媽媽相依為命，但我哋財政獨立，因為媽媽係白手興家，佢希望我自力更生，所以我都係冇錢，每日都係搭港鐵返工。」講到夾band「冇錢途」，媽咪可會資助？他說：「我從來冇問過佢資助我做音樂，好希望可以好似佢咁，每樣嘢都係靠自己雙手努力賺番嚟！」問到媽媽可有叫他放棄唱歌，接手家業？他坦言：「最初有，每年佢都問我死心未，但我希望可以兩邊同步，畢竟音樂係自己最想發展嘅一部分，而幫公司都係想多個機會陪媽媽。」他表示從不向外界透露家底：「有啲人好現實，淨係睇表面，然後就抹煞咗你努力嘅嘢。」
而Vicky受訪時直言不知旨呈是「有錢仔」：「我唔知佢家庭背景，大家係打籃球識。（佢係咪借拍MV追你？）當然唔係，我哋認識咁耐係兄弟情。」