Cookies合體？鄧麗欣：有可能！

藝人鄧麗欣（Stephy）前晚出席品牌活動，對於有報道指她自從與傅穎破冰後，有意助對方回流香港電影圈，她為傳聞澄清：「我都係啱啱聽到報道，冇呢件事，點會係我同佢傾呢？佢都有公司。（上次睇完騷都有保持聯絡？）大家互相Follow IG，都有私訊傾吓偈。（佢係咪想返港拍戲？）佢不嬲都兩邊走。（有Fans話想睇Cookies合體。）呢樣好複雜，牽涉好多嘢，有兩個媽媽生小朋友，要唔係冇可能，一切都有可能，但唔知等到幾時。」