藝人杜汶澤早前炮轟電台DJ梁泰來的電台訪問於昨日播出，節目甚有火藥味，一開始梁泰來指阿澤「終於有戲上啦」，阿澤反擊說：「我真係好少拍戲o架，有嘢做都算偷笑啦，邊好似你（梁泰來）咁日日都有工返呀！」又自嘲在新片中身兼多職：「冇嘢撈咪撈多幾瓣囉，一陣做完訪問，我落去接更揸夜更（的士），跟住就去便利店撈朝頭早，我咩都做埋o架啦！」
當問及阿澤跟吳君如、杜琪峯的不和傳聞，阿澤扯晒火「唔想答」，問到吳君如對其事業影響很大？他說：「吳君如影響事業大，咁點呀？（你同君如關係點呀？）我同佢關係點，做乜講畀你知啫？你當呢度差館呀？」但他承認在娛圈多敵人：「四面受敵，但八面威風！」阿澤又覺得邀太太田蕊妮拍戲是件「淒涼」事：「導演要受演員氣，平時揸車提佢唔好行錯路，都畀佢呼喝！」