金山睦亮麗香艷

如果提到日本寫真界姊系風格最強烈、最出眾嘅女優,好多人會諗起有「情色壯姊姊」之稱嘅壇蜜。不過,寫真界當中人才輩出,又點會只係得壇蜜一個呢?近期推出第15部寫真映像作品嘅金山睦一樣咁出色!

輕熟魅力

人生有幾多個十年?咁日本寫真女優嘅寫真生涯又有幾多個可以有十年咁長呢?咁就唔係有好多個!因為能夠活躍十年咁長時間,女優一直都保持良好狀態都唔夠,一定要愈來愈迷人至得,好似熊田曜子、中村靜香就做得到喇!至於今日為大家介紹嘅金山睦亦係另一位愈來愈索嘅女優。

金山睦今年已經31歲,但係天生麗質,氣質帶點輕熟,卻又保持到少女時代嘅天真甜美,艷麗得嚟唔會予人高傲冷漠。此外,阿妹擁有一副養眼胴體,骨肉勻稱纖巧,而且膚質光滑細緻,雖然上圍只得C Cup,但係只要輕輕一推一夾,依然可以谷出事業線來。

最激挑戰

剛才提及到金山睦出道已經有十年,呢個日子其實只係由佢開始拍寫真計起,早喺14年前佢已經出道,先做模特兒,然後以賽車女郎身份活躍車壇,效力最具人氣嘅賽車女郎團體「ZENT sweeties」,同時開始拍寫真,2012年更加勇奪寫真界選美活動「Miss FLASH」冠軍寶座,之後正式強襲寫真界,乜曾經有個咁勁嘅人物咩?大家唔記得其實唔出奇,因為當時金山睦係用遠野千夏做藝名。

近年金山睦除咗繼續拍寫真,亦成為電視及體育節目嘅主持,而佢最近除咗忙做主持之外,亦忙於宣傳推出第15部寫真映像作品《あなた、ごめんなさい。》,喺訪問中佢表示今次係演出以來最激嘅一次,除咗挑戰個人露出界限,仲會首次扮演人妻,演出背夫出軌嘅情節添!內容咁精彩吸引,加上金山睦魅力驚人,作品推出之後銷量節節上升,更一度成為亞馬遜嘅寫真偶像影碟排行榜冠軍,恭喜晒!

社交網站

簡介:金山睦最近頻頻出動為寫真映像作品宣傳,大家Click上佢嘅社交網就可以睇到宣傳花絮,另外仲可以睇到佢拍下嘅性感照。

網址:https://twitter.com/kanayama_chika

金山睦Profile

年齡:31歲

身高:5呎4吋

三圍:32C-23-33

撰文:賢