阿Sa被軒仔嚇親驚青開鑼

更多新聞短片

阿Sa首次演舞台劇，張敬軒唔捧場兼出言「恐嚇」！

蔡卓妍（阿Sa）、卓韻芝、凌文龍、張銘耀及胡麗英等主演的舞台劇前晚舉行首演，演出後眾演員回答由大會預設的問題。首次演出舞台劇的阿Sa坦言演出時有點緊張，幸好沒有出現嚴重失誤：「我尋晚好驚，尋晚一點幾張敬軒打畀我，佢叫我Good Show，佢話嚟唔到睇我第一次，因為佢要去祖兒（演唱會）嗰邊，我話第一場唔好嚟睇，佢話通常第一場係最好，因為大家都會好集中，多數第二場先會賴嘢，我聽完佢講好驚。」

冇得NG但好好玩

阿Sa大讚演舞台劇好好玩，揚言要轉做舞台劇演員，問到做舞台劇跟拍電影最大的分別是甚麼？阿Sa說：「電影可以NG，舞台劇冇得NG，好多突發狀況，要腦筋急轉彎，要即時諗到應變方法。」當有記者提問之前阿Sa在Instagram取消關注張致恒，疑跟對方割席一事，即被大會方面打住：「想講番個劇嘅嘢！」

卓韻芝唔敢亂爆肚

至於卓韻芝就自爆在其中一幕忘記對白，幸好對手表現淡定：「呢個劇除咗我，個個都係專業演員，我以前拍戲只係客串一場，今次由頭演到落尾。以前做Talk Show自己一個可以爆肚，依家同其他演員有晒綵排，唔可以咁自由。」

胡麗英（右起）、阿Sa、卓韻芝、張銘耀及凌文龍前晚舉行舞台劇首演。

張敬軒