早年轉戰時裝達人的何嘉莉，最近重出樂壇翻錄其經典舊作《兩種人》，有傳因為她的機師老公Gerald被減薪一半，為免加添老公壓力，所以她決定復出樂壇。但她昨日否認與老公有關：「我同英皇簽做KOL時，一路有同我提出復出呢個計劃，只係覺得自己咁耐冇唱、擺低咗咁耐冇諗，直至最近有個音樂計劃Project，又同音樂人伍仲衡開Live，公司話點擊率真係好好，睇到好多樂迷同粉絲支持，我一路好鍾意唱歌，就決定復出，唔好再錯過咁難得嘅機會，同其他問題係兩回事。」
她指各行各業都受疫情影響，她的機師老公也不例外：「佢簽咗新約，唔多唔少都有影響，但好彩佢有副業，佢有開IT公司，經濟上OK，老公見咁多歌迷支持我，都叫我應該復出回饋歌迷。」她有3個小朋友，雖然開支大，但一家人不算大使，現時經常在家食飯。